Santa mariña atópase emprazada nun enclave privilexiado desde o que podemos realizar atractivos itinerarios de distintos percorridos. Un deles pola propia aldea e as fincas que a circundan, outra conduce as formacións rochosas chamadas «caldeiras» labradas polo río Castro no seu curso pola parroquia de Coucieiro.

Ademais a escasa distancia que hai ata a costa facilitaranos coñecer Cabo Touriñán, o punto máis occidental de España, e do que parten varias rutas pola súa agreste paisaxe. Non lonxe de este enclave agarda Fisterra, punto ó que os romanos bautizaron como O Fin do Mundo.

A praia dos Muíños atópase tan só a 4 km da casa, e a pouca distancia de Lago e a praia de Nemiña, moi coñecida entre os seareiros ó surf. Outro lugar de interese é o Ézaro, singular por recoller a desembocadura do río Xallas, afogado polas centrais eléctricas, pero da que podemos aproveitar temporalmente en fechas sinaladas.

Os amantes dos túmulos pétreos teñen nesta zona un gran campo de investigación. A Ruta dos Dolmes trasládanos á civilización galega de hai 6000 anos. Os petroglifos de Boallo, os dolmes de Berdoias, Pedra da Arca (Baíñas), Pedra Cuberta (Treos), Arca da Piosa (Serramo) e Dombate (Borneiro) son xacementos arqueolóxicos que non pasan desapercibidos para o docto nestes temas. Outro dos ingredientes da Costa da Morte é a súa riqueza en artesanías.

O Castelo de Vimianzo, outrora residencia dos Condes de Altamira, acolle a mostra de artesanía en vivo durante todo o ano, na que se poden ver as palilleiras de Camariñas, Muxía e Vimianzo, os oleiros de Buño, o traballo en liño, zocos e outros oficios tradicionais.

Ademais, se vostede nos visita o 18 de xullo, poderá disfrutar da tradicional Romaría de Santa Mariña, santa moi coñecida pola sua virtude para curar os animais. Ese día ten lugar a poxa de rellos e pés de porco, que os devotos levan á virxe como agradecemento polos favores concedidos. Os romeiros aproveitan tamén para recoller terra santa que luego suministran ós animais cando padecen algunha doenza.

Poderanse levar a cabo rutas en bicicleta e organizar variadas actividades para os visitantes. Podemos coñecer unha explotación agropecuaria, coa súas plantacións forestais, a súa gran horta, cabazo e cortes. Esta circunstancia queda patente nos elementos decorativos dos dormitorios e o seu nome, que coincide co das principais fincas: Granxa, Agra, Darriba, Furiño, Gándara, Petón e Cortiña.

De igual maneira, a estancia na Casa nos permitirán aproveitar de variadas posibilidades. Dúas das habitacións, na planta baixa, están acondicionadas para minusválidos e na planta alta deseñouse unha habitación especial con bañeira de hidromasaxe.